تنسيق كليات الالسن بمصر اخر ثلاث سنوات

يعنى اية كلية الالسن ؟
كلية الالسن هي كلية لغات بتدرس فيها لغتين الاولى اسمها الفرست والتانية اسمها السكند " كلمة فرست وسكند دول عبارة عن مصطلحات هتسمعهم كتير اوى ف الكلية "

اية هي اللغات ( الاقسام ) الموجودة ف كلية الالسن جامعة عين شمس ؟؟
1- قسم اللغة العربية.
2- قسم اللغة الإنجليزية.
3- قسم اللغة الفرنسية.
4- قسم اللغة الإيطالية.
5- قسم اللغة الإسبانية.
6- قسم اللغة الألمانية.
7- قسم اللغات السلافية ويضم:
(أ) شعبة اللغة الروسية
(ب)شعبة اللغة التشيكية
8- قسم اللغة الصينية.
9- قسم اللغات الأفريقية ويضم:
(أ) اللغة السواحيلية
(ب) لغة الهوسا
10- قسم اللغات السامية (العبرية).
11- قسم اللغات الشرقية الإسلامية ويضم:
(أ) فارسي
(ب) تركي
12- قسم اللغة اليابانية.
13- قسم اللعة الكورية.

اية هي اللغات ( الاقسام ) الموجودة ف كلية الالسن جامعة المنيا ؟
ايطالى , المانى , اسبانى , انحليزى , صينى , فرنسى وانا كاتبهم عشوائى مش بترتيب , ومفيش لا هولندى ولا كورى ولا يونانى ولا يابانى هيفتحوا جديد ف الكلية عشان الشائعات اللى بتطلع دى , هي الاقسام دى بس اللى عندنا

ازاى اعرف نسبتى في مجموع الثلاث لغات بتوع الثانوية العامة ؟
انت بتجيلك اللغة على اساس درجات الثلاث لغات بتوعك اللى درستهم ف الثانوية العامة " العربى – الانجلش – اللغة التانية سواء فرنش او المانى"
هتجمع درحاتك فيهم وتضربهم ف 100 وتقسمهم على المجموع الاصلى للثلاث مواد دول وبكدة هتعرف نسبتك

اية الفرق بين اللغة اﻻولى واللغه التانية ؟
اللغة اﻻولى هية لغة التخصص هتدرسها ع مدار 4 سنين , اللغة التانية مادة هتدرسها محاضرتين ف اﻻسبوع على مدار الاربع سنين بردة , بمعنى ان انا قسم اللغة اﻻيطالية بيبقى عندى عدد المواد فيها 8 بيبقى 6 مواد للايطالى + مادة لغة عربية + مادة لغة تانية

مجاﻻت العمل كلية الالسن ؟
اى لغة خلقها ربنا ليها شغل واحد وهو الترجمة , الارشاد السياحى بس لازم يا اما تاخد دبلومه ارشاد سنتين في اي معهد خاص او تنجح في امتحان الوزاره في الارشاد الي بيتعمل كل سنه , ممكن تبقى معلم او محاضر ف اى سنتر , ممكن تكمل وتعمل دراسات عليا , ممكن تشتغل كول سنتر او ف بنوك او شركات بانوعها لان بيبقى فيها اقسام ترجمة او ف العلاقات العامة او ف السفارات او السلك الدبلوماسى ممكن تشتغل ف اى مدرسة حكومية لما تعمل دبلومة تربوية , ممكن تشتغل ف اى مدرسة انترناشونال كبيرة , او اى مدارس للغات .. الخ , الشغل كتير بس انا دايما بقول بلاش ننط مرحلة مش اوانها ادرس الاول واتقن الحاجة اللى انت فيها ساعتها ربنا هيوسعلك كل الطرق اللى تكون بيها حاجة كويسة